Grannie’s Soup Recipe

Tattie Lasses

Grannie’s Soup

Furst the fundamentals

A sturdy stove for coal or gas

Or fire o’ peat or wid will pass

If weil kept clear o’ ash an’ dust

Electric only if ye must


If’ yer using wires and cable

Maist the time ye must be able

Tae haud the heat doon at a peep

For soup tae jist simmerin’ keep


As tae pot and lid selection

Muckle thick best steel or iron

Dinnae tak’ up the furst at hand

Nae muck frae China or Japan


Noo the ingredients


A guid bone or neck o’ mutton

No lang syne it’s lichts begrutten

Frae blackheid yowe, kilt tae order

On heath or moor near the border


Ingan’s frae an ingan Johnnie

Whae’s worked hard to get yer money

An’ pedalled mony miles frae France

To hear the pipes an’ jine the dance


Fresh new tatties lassies howkit

Trauchled hame in willie basket

Nane wi sproots or beardy places

All wi’ bonnie sonsie faces


Carrots that are no ower cruikit

Saft, runkled or ony shilpit

Nae green shooders tak tae hand

Seek them in East Lothian sand


Leek growd in a cley location

By pit bing or railway station

Clean it richt weel o’ coal and grit

O’ claggy glaur an’ whitret shit


A neep that’s louped up like a hare

An gi’en itsel’ intae yer care

It’s a’ the sweeter for its sin

When nipped by frost nere Halloween


Dried peas guid green no black or broon

Soaked in a bowl an’ steered aroun’

Tak ‘oot wee beastie bits that float

Ony wee stanes wid scrat yer throat


A handfu’ barlie born in Fife

Wi nae need for the howdie-wife

As bricht as ony pearls an’ listen

Rinse off stoor to mak’ it gliss’en


Add a’ wi water in yer pot

Saut an’ black pepper ne’er forgot

Enough saut tae hap half-a-croon

A puckle pepper corns crushed doon


When it’s through the bile an’ churnin’

Set the heat tae barely bubblin’

Put on the lid to keep oot stoors

Noo leave alane fir ‘oors an ‘oors

Advertisements

Leave a comment

Filed under Artwork, Poetry, Recipe, Scots

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s