Eelie Ohlie

Eelie Ohlie

Richt efter schule sune they gether

Doon the end o’ Tattie Raw

Fir their sairly wat amusement

A gowden ‘oor wi’ their fitba’


The ba’s nae o’ belted leather

Like the tawse they ken fu’ well

Peesy got frae Syme the butcher

Bladder that’s near lost it’s smell


Wee Billy Smith, big Matthie Weir

Eck and Geordie, Cleikie Shaw

Alec, Jim and Jock and Wullie

Hughie, Malc an’ mair an’ a’


Fir makin’ o’ intae twa teams

Noo they’re staundin’ ruind aboot

“Eelie, ohlie, dug’s toley

Eelie, ohlie, OOT “


With goals o’ jaikets, buiks an’ caps

Nae mair’s needed fir tae play

The rules are by the strong decided

And sae micht wanner day to day


Ner mind aboot the Herts or Hibs

Or sic farflung pairts and deeds

We’re Arns’on Rangers ‘gin the Star

Nitten Bills v. Square Heids


Tackits skite on schuleday shune

Sclaff an’ bauchle, less than braw

Runnin’, heidin’, dribblin’, shootin’

Stottin’ passes off the wa’


In nae time the licht is fadin’

Luvin’ mithers cry them hame

Lament thair oor o’ peace and quiet

Muckle thankfu’ fir the game


Whit an awfy state yer in!

A’ yer claes are thick wi glaur

Whitever if yer faither sees ye

He’ll be giein’ you what for


Ah’ll scrub ye raw frae heid tae fit

In tae that pail ‘hent the door

Och ye are a richt wee midden

Tell me noo whit wis the score?

**************************

Advertisements

1 Comment

Filed under Poetry, Scots, Stories, Uncategorized

One response to “Eelie Ohlie

  1. Kate

    This is my favourite.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s